«Тұлпар мініп, ту алған!» республикалық байқауы Ақтөбе облысында бастау алды

14.09.2021ж.

Осыған орай Ақтөбе облысының өңірлік коммуникациялар қызметінде арнайы баспасөз-конференциясы өтті. Баспасөз-конференциясына «Nur Otan» партиясының Ақтөбе облыстық филиалы төрағасының орынбасары Бағжан Тлегенов, 

«Ақтөбе – Дарын» өңірлік ғылыми-тәжірибелік орталығының директоры Нұрбол Бекмағанбетов

және  «Тұлпар мініп, ту алған!» республикалық байқауының жетекшісі Арман Абдоллаев қатысты.

Байқау 6-10 сынып оқушылары арасында «Едіге батыр» жырын жатқа айтудан өтеді. Қатысушылар қосымша Алтын Орда мемлекетінің тарихи оқиғаларына қатысты сұрақтарға жауап беріп, жырда кездесетін көнерген сөздердің мән-мағынасын түсіндіріп, қазақ әдебиеті пәнінің оқу бағдарламасы негізінде әзірленген сұрақтарға жауап беруі тиіс.

Ақтөбе облысы бойынша 300 мектептен 1000-нан астам  оқушы мен 500-ден астам мұғалім қатысады деп күтілуде.

Байқау 2021 жылдың 25 қыркүйек – 5 қараша аралығында өтеді.

Жеңімпаз оқушылар ақшалай сыйлықтармен марапатталады.

Аудандық кезеңде:

1-орын – 150 мың теңге;

2-орын – 100 мың теңге;

3-орын – 50 мың теңге.

Облыстық (қалалық) кезеңде:

1-ші орын – 750 000 теңге (біреу);

2-ші орын – 350 000 теңге (біреу);

3-ші орын – 200 000 теңге (екеу).

Облыстық (қалалық) деңгейдегі жеңімпаз оқушылардың мұғалімдеріне арналған ақшалай сыйлықтар:

1-ші орын – 1 500 000 теңге (біреу);

2-ші орын – 700 000 теңге (біреу);

3-ші орын – 400 000 теңге (екеу).

Байқау туралы толық ақпаратпен www.qazaqepos.com сайтында танысуға болады. Қосымша жаңалықтар мен мәліметтерді «Nur Otan» партиясы филиалдарының әлеуметтік желілердегі ресми парақшаларынан таба аласыздар.

Еске сала кетейік, «Тұлпар мініп, ту алған!» байқауы Елбасы Н.Ә. Назарбаевтың «Болашаққа бағдар: рухани жаңғыру» мақаласындағы міндеттерді іске асыру мақсатын көздейді. Байқау 2018 жылдан бері «Алпамыс батыр», «Қобыланды батыр» жырларын жатқа айту бойынша  5 мың мектептен 50 мыңнан астам оқушы мен 25 мыңнан астам ұстаздарды қамтыды. Байқау дәстүрлі түрде алдағы жылдары өз жалғасын таппақ.

 

 Жоба жаңалықтары

Нұр-Сұлтан қаласы бойынша жеңімпаздар анықталды
17.11.2021ж.
"Тұлпар мініп, ту алған" байқауының облыстық кезеңі басталды
09.11.2021ж.
Нұр-Сұлтан қаласы Сарыарқа ауданы бойынша жеңімпаздар анықталды
11.11.2021ж.
Нұр-Сұлтан қаласы Есіл ауданы бойынша жеңімпаздар анықталды
10.11.2021ж.