«Qazaq Epos» республикалық ағарту жобасы «Тұлпар мініп, ту алған!» байқауы жобасы туралы

«Qazaq Epos» республикалық ағарту жобасы «Тұлпар мініп, ту алған!» байқауы Елбасы Н.Ә. Назарбаевтың «Болашаққа бағдар: рухани жаңғыру» және «Ұлы даланың жеті қыры» мақалаларындағы міндеттерді іске асыру мақсатын көздейді.

Батырлар жыры - ауыз әдебиетіндегі ең бай да көне жанрлардың бірі. Батырлар жырының әдебиетке, ұлттық кәсіби өнер жанрларының қалыптасуына әсері ерекше.

Байқаудың мақсаты – өскелең ұрпақты халық поэзиясына, қазақ халқының рухани асыл мұрасына деген сүйіспеншілікке және патриотизмге тәрбиелеу, елдік пен ерлік рухын, намысшылдық, қайсарлық қасиеттерге баулу.

Байқаудың міндеттері:

• «Рухани жаңғыру» жалпыұлттық жобасының аясында қазақ елінің тарихи, мәдени мұрасын сақтап, өркендету.
• Өскелең ұрпақтың шығармашылық және зияткерлік қабілетін дамытуға жағдай жасау.
• Балалар арасында кітап оқуды, оның ішінде қазақ халқының батырлық эпостарын насихаттау.
• Қазақ тілі және әдебиеті пәні мұғалімдерінің беделін көтеру.

Байқауға республика бойынша 6-10 сынып оқушылары қатысады. Қатысушылар «Едіге батыр» жырының Қаныш Сәтпаев нұсқасын жатқа айтып, жырдың ішіндегі көнерген, тарихи сөздердің мағынасын ашып, қазақ тілі мен әдебиеті оқулығы бойынша әзірленген сұрақтарға жауап береді. Жоба 3 кезеңнен тұрады:

• 1-ші кезең мектеп ішілк;
• 2-ші кезең аудандық;
• 3-ші кезең облыстық.

Ұйымдастыру комитеті – «Qazaq Epos» қоғамдық қоры.

Жобаны қолдаушы «Nur Otan» партиясы, Қазақстан Республикасы Білім және ғылым министрлігі, жергілікті атқарушы органдар.