Илья Теренченконың байқау жайлы пікірі
”Nur Otan” партиясы Павлодар облыстық филиалының төрағасының бірінші орынбасары Илья Теренченко “Qazaq Epos” қоғамдық қоры “Тұлпар мініп, ту алған!” республикалық байқауы жайлы өз ойымен бөлісті:
Елбасының «Болашаққа бағдар: Рухани жаңғыру» мақаласындағы негізгі тезистердің бірі-тарих пен мәдени құндылықтарды сақтау және түсінуді атап өтті.
Егер Қазақстан жастары туралы айтатын болсақ, мемлекет үшін жан-жақты дамыған жастар еліміздің келешектегі басымдығы.
Жаһанданудың барлық заманауи тәуекелдерін ескере отырып, қазақстандықтардың рухани құндылықтарының жандануына бағытталған «Рухани жаңғыру» бағдарламасы Қазақстанның әлемдегі бәсекеге қабілеттілігін арттыруға, ұлттық бірегейлікті сақтауға, азаматтардың білімі мен санасының ашықтығын танымал етуге бағытталған. Бұл қасиеттер қазіргі заманғы қазақстандықтың негізгі бағдарына айналуға тиіс.
Еліміздің мәдени-тарихи құндылықтарын жас ұрпақ арасында насихаттау мақсатында, Павлодар облысында Қазақстан Республикасы Тәуелсіздігінің 30 жылдығына орай «Nur Otan» партиясы ҚР Білім және ғылым министрлігімен бірлесіп «Qazaq Epos» қоғамдық қорымен «Тұлпар мініп, туған!» байқауын жариялады. «Тұлпар мініп, ту алған!» байқауы Елбасы Н.Ә. Назарбаевтың «Болашаққа бағдар: рухани жаңғыру» атты мақаласында қойылған міндеттерді жүзеге асыруға бағытталған.
Байқау 6-10 сынып оқушылары арасында «Едіге батыр» жырын жатқа айтудан өтеді. Қатысушылар қосымша Алтын Орда мемлекетінің тарихи оқиғаларына қатысты сұрақтарға жауап беріп, жырда кездесетін көнерген сөздердің мән-мағынасын түсіндіріп, қазақ әдебиеті пәнінің оқу бағдарламасы негізінде әзірленген сұрақтарға жауап беруі тиіс.
Байқаудың басты мақсаты – өскелең ұрпақты патриотизмге тәрбиелеу. «Едіге» жырын жаттаған бала ата-бабаларымыздың ел мен жерді қорғау жолында қандай тәуекелге барғанын біліп, тағылымды тәрбие алады. Батырлар жырында көркем, бейнелі сөздер жиі қолданылады. Балалар байқауға қатысу арқылы көркем сөйлеуге талпынады және жаһандану заманында тілдік қолданысымызға жаңа сөздерді енгізуге мүмкіндік береді.
Байқау туралы толық ақпаратпен www.qazaqepos.com сайтында танысуға болады. Қосымша жаңалықтар мен мәліметтерді «Nur Otan» партиясы филиалдарының әлеуметтік желілердегі ресми парақшаларынан таба аласыздар.
#nurotanqazaqepos