Павлодар облысы Аққулы ауданы бойынша жеңімпаздар анықталды
“Qazaq epos” қоғамдық қоры “Тұлпар мініп, ту алған!” байқауының Павлодар облысы бойынша аудандық кезеңдері өтуде. Бүгін аудандық кезеңдер Аққулы ауданы, Екібастұз, Ақсу қалаларында өтті. Қатысушыларды қолдап, ата-аналары, ұстаздары әрі жергілікті белсенді жандар, аға-оқутышлар, профессорлар қатысты. «Аққулы ауданының білім беру бөлімі» ММ басшысы Ерсін Еркенов, Аққулы аудандық «Нұр Ана Әлемі» әжелер тобының төрайымы Бақытбала Бекджанова, «Аққулы үні» аудандық газетінің редакторы, филолог Зауреш Оразбаева - әділ қазылар алқасына «Nur Otan» партиясы Аққулы аудандық филиалы төрағасының бірінші орынбасары Бұркіт Пұсырханов төрағалық етті.
Байқаудың қорытындысы бойынша, Павлодар облысы Аққулы ауданы бойынша келесі оқушылар жеңімпаз атанды:
⠀
1 орын - А.Баймұлдин атындағы жалпы орта білім беру мектебінің 8 сынып оқушысы Маненова Адия
2 орын - Бекмұрат Уахатов атындағы орта мектебінің 7-сынып оқушысы Елубай Тоғжан
3 орын - С. Сатыбалдин атындағы ЖОББМ 7-сынып оқушысы (Қызылқоғам ауылы) Нұрбекұлы Бекарыс
Естеріңізге сала кетейік, байқау 6-10 сынып оқушылары арасында «Едіге батыр» жырын жатқа айтудан өтеді. Қатысушылар қосымша Алтын Орда мемлекетінің тарихи оқиғаларына қатысты сұрақтарға жауап беріп, жырда кездесетін көнерген сөздердің мән-мағынасын түсіндіріп, қазақ әдебиеті пәнінің оқу бағдарламасы негізінде әзірленген сұрақтарға жауап беруі тиіс.
⠀
Құттықтаймыз!