Павлодар облысының мектеп оқушылары 750 мың теңге ұтып ала алады
Павлодар облысының мектеп оқушылары 750 мың теңге ұтып ала алады
6-10-сынып оқушылары арасында «Едіге батыр» жырын жатқа айтудан жарыс өтеді, деп хабарлайды Pavlodarnews.kz тілшісі.
Бұл туралы Өңірлік коммуникациялар қызметінде өткен баспасөз конференциясында жобаның жетекшісі Арман Абдоллаев мәлімдеді.
- Қазақстан Республикасы Тәуелсіздігінің 30 жылдығына орай «Nur Otan» партиясы ҚР Білім және ғылым министрлігі және «Qazaq Epos» қоғамдық қорымен бірлесе отырып, «Тұлпар мініп, ту алған!» байқауын жариялайды. Байқау 6-10-сынып оқушылары арасында «Едіге батыр» жырын жатқа айтудан өтеді, - деді Арман Абдоллаев
Оның айтуынша, қатысушылар қосымша Алтын Орда мемлекетінің тарихи оқиғаларына қатысты сұрақтарға жауап беріп, жырда кездесетін көнерген сөздердің мән-мағынасын түсіндіріп, қазақ әдебиеті пәнінің оқу бағдарламасы негізінде әзірленген сұрақтарға жауап беруі тиіс.
Байқау 2021 жылдың 25 қыркүйек – 5 қараша аралығында өтеді. Жеңімпаз оқушылар 50 мыңнан – 750 мың теңгеге дейін ақшалай сыйлықтармен марапатталады.
Қосымша ақпарат алу үшін келесі нөмір бойынша хабарласу қажет: +7 747 311 2193
Оңғар Бауыржанұлы
Фото: Константин Шелков